орон нутгийн болон асуудалд тулгуурласан цагдаагийн үйл ажиллагааны үе дэх цагдаагийн шинэчлэл

Wiktionary-с

Хадмал үг[засварлах]

[англ.police reform in an era of community and problem-oriented policing ]

Тайлбар[засварлах]

хууль.
Орон нутгийн болон асуудалд тулгуурласан цагдаагийн үйл ажиллагааны эрин үе уламжлалт цагдаагийн үйл ажиллагааг байнга шүүмжлэх болсноор эхэлсэн байдаг. Ерөнхийдөө бол гэмт хэргээс урьдчилан сэргийлэх хөдөлгөөнт эргүүлүүд үр нөлөөгүй, гэмт хэргийн мөрдөн байцаалтын дараах үйл ажиллагаа хангалтгүй, мөн гэмт хэргийн тоо эрс нэмэгдэж, цагдаа нар орон нутгийн ард иргэдээс улам тусгаарлагдаж байсан тул уламжлалт цагдаагийн үйл ажиллагааг учир дутагдалтай хэмээн үзэх болжээ. Энэ цаг үед цагдаагийн үйл ажиллагаа тэр чигтээ хямралд орж, үндсэндээ ямар ч үр дүнгүй, үр нөлөөгүй бөгөөд агуулгагүй болсон байв.Орон нутгийн цагдаагийн үйл ажиллагааг орон нутагт чиглэсэн тодорхой өргөн хүрээний зорилтуудыг биелүүлж, цагдаа нарын үүргийг тэнцвэржүүлэх шаардлага гарсан тул бий болгосон байдаг. Орон нутгийн цагдаагийн үйл ажиллагааны “үндсэн” элементүүд нь цагдаа нарын гэмт хэргээс урьдчилан сэргийлэх үйл ажиллагааг дахин тодорхойлох; цагдаа болон орон нутгийн ард иргэд, нэгжүүд хоорондын харилцаа холбоог сайжруулах; цагдаагийн үйлчилгээ болон удирдлагыг төвлөрсөн бус болгох; мөн цагдаа нарын үйл ажиллагааг илүү ардчилсан хэлбэртэй болгох гэх зэрэг зүйлсээс бүрддэг.Цагдаагийн байгууллага болон үйлчилгээ үзүүлэх системийн хувьд авч тайлбарлавал, орон нутгийн цагдаагийн үйл ажиллагаа нь цагдаагийн агентлагуудыг хүнд сурталгүй, ерөнхий болон шат дараалал багатай болгохоос гадна цагдаагийн алба хаагчдыг олон талын мэдлэгтэй болгох арга зам байсан юм. Орон нутгийн цагдаагийн үйл ажиллагааны үндсэн ойлголтууд нь төвлөрсөн бус менежмент болон үйлчилгээ үзүүлэх байдаг тул үүнээс уламжлалт цагдаагийн үйл ажиллагаа нь олон нийтэд үр дүнтэй үйлчилгээ үзүүлэхэд маш их хүндрэл учруулж байдаг гэсэн санаа юм.[1]
  1. Хууль сахиулахын их сургуулийн Эрдэм шинжилгээ, хөгжлийн хүрээлэн, Цагдаагийн шинжлэх ухааны зарим нэр томьёоны гарын авлага, Улаанбаатар 2017