ойг ашиглах

Монголоор

Хадмал үг

[англ. using of forests]

[ор. лесопользование]

Тайлбар

хууль.

МУ-д ойн хуульд заасны дагуу дараахь зориулалтаар ойн санг ашиглах: үйлдвэрлэлийн зориулалтаар хэрэглээний мод, түлш бэлтгэх (зөвхөн аж ахуйн нэгж, байгууллагад БОЯ зөвшөөрөл олгоно); ахуйн зориулалтаар хэрэглээний мод, түлээ бэлтгэх (иргэн, аж ахуйн нэгжийн хүсэлтийг үндэслэн иргэдийн төлөөлөгчдийн хурлаас тогтоосон мод бэлтгэх хязгаарын дотор багтаан СЗД шийдвэр гаргана); ойн дагалт баялаг ашиглах (ойн арчилгаа, цэвэрлэгээний журмаар унанги гишүү, мөчир түүх, хатсан гишүү, мөчрийг хугалж авах, самар, жимс, мөөг түүх, үйс, холтос, давирхай бэлтгэх зөвшөөрлийг иргэн, аж ахуйн нэгж, байгууллага тухайн газар нутгийг хариуцсан байгаль хамгаалагчаас эрхийн бичиг авч ашиглана); ойн сан бүхий газрыг иргэд нийтээр ашиглах (гал түймрийн аюулгүй үед иргэн ганц нэгээр буюу хэд хэдээр ойд мод, түлээ бэлтгэх, ойн дагалт баялагийг ашиглах зорилгогүйгээр ойн сан бүхий газарт амрах, зугаалах, аялал зохиохоор зорчин явах ажиллагаа).

Creative Commons