мөс(өн)

Монголоор

Үгийн утга

мөс(өн) I нэр 1Хөлдсөн ус, ус хөлдөж хатуу төлөвт орсон нь: мөс агих (ус хадаалан хөлдөх), мөс барилдах (ус сая гүйцэд хөлдөх), мөс далагнах (ус овойж нуруутан хөлдөх), мөс нэмүүрэх (хавар болж мөс уярах), мөс өрөмтөх (ус нимгэн мөстөн хөлдөх), мөс тээрэмдэх (хавар мөс урсан овооролдож бутрах), мөс унах (хаврын цагт мөс хагаран бутарч урсах), мөс ханзрах (гол, мөрний мөс захаасаа гэсч урсах), мөс хайлах (хөлдүү ус гэсэх), мөс цавтах (мөс ан цав гарч хөлдөх), мөс цөмрөх (а.мөс уяран хэврэгшиж ивэрч унах; б.нимгэн мөс даралт даахгүй цоорох), мөсөн далан (зайр болон мөсний жижиг хэсгүүд бөөгнөрснөөс үүсч тогтсон мөсөн гүвээ), мөсөн хадаа (намар, өвлийн улиралд урсгал болон тогтоол усан дээр хөдөлгөөнгүйгээр тогтсон мөсөн бүрхүүл), мөсөн уул (а.мөст уул; б.да¬лайд хөвж явдаг асар том мөс), мөсөн оргил (цас мөсөнд мөнхийн хучаастай оргил), мөсөн бөмбөлөг (мөсөн дээр тоглодог спортын нэг төрөл), мөсөн хотхон (мөсөөр урласан бүтээлийн цогц), мөсөн галав геол. (газрын хөрсний нэлээд хэсэг нь мөсөнд хучаатай байсан үе), умард мөсөн далай (дэлхийн бөмбөрцгийн умард туйлын үлэмж их мөс), мөсөн хужир (шахмал хужир), цас мөс хорш. (хүйтний улиралд орох тунадас болон ус хөлдөж хатуу төлөвт орсон байдал), мөсөн дээр барьсан гэр, цасан доор булсан юм зүйр. (а.хөлдөх; б.баталгаа муутай зүйл); 2шилж. Мөс шиг гөлгөр тунгалаг талст зүйл: мөсөн чихэр (элсэн чихэр, бурмыг усанд уусгаж, жигнэхэд талст хэлбэртэй барилдсан тунгалагдуу цагаан болон шаргал өнгөтэй мөстэй адил чихэр), *мөс шиг сэтгэл (өрөвдөж энэрэхийг мэдэхгүй хүйтэн, хатуу сэтгэл), мөнгө шиг цагаан, мөс шиг гөлгөр зүйр. (цагаан болоод тэгш гөлгөр, цэвэрхэн зүйл), мөнгөн амтай, мөсөн дотортой зүйр. (сайхан ярьдаг ч хүйтэн сэтгэлтэй хүн), мөс хадаалах нэг шөнө биш, нас өртөмших нэг шөнө биш зүйр. (аливаа зүйл жам ёсны дагуу алгуур болдог).

'

'

'

'

'

'

Шилжсэн утга

• Мөс шиг гөлгөр тунгалаг талст зүйл: мөсөн чихэр - элсэн чихэр, бурмыг усанд уусгаж, жигнэхэд талст хэлбэртэй барилдсан тунгалагдуу цагаан болон шаргал өнгөтэй мөстэй адил чихэр

Холбоо үг

• мөс агих - ус хадаалан хөлдөх
• мөс барилдах - ус сая гүйцэд хөлдөх
• мөс далагнах - ус овойж нуруутан хөлдөх
• мөс нэмүүрэх - хавар болж мөс уярах
• мөс өрөмтөх - ус нимгэн мөстөн хөлдөх
• мөсөн чихэр - элсэн чихэр, бурмыг усанд уусгаж, жигнэхэд талст хэлбэртэй барилдсан тунгалагдуу цагаан болон шаргал өнгөтэй мөстэй адил чихэр
• мөс шиг сэтгэл - өрөвдөж энэрэхийг мэдэхгүй хүйтэн, хатуу сэтгэл
• мөнгө шиг цагаан, мөс шиг гөлгөр зүйр. - цагаан болоод тэгш гөлгөр, цэвэрхэн зүйл
• мөнгөн амтай, мөсөн дотортой зүйр. - сайхан ярьдаг ч хүйтэн сэтгэлтэй хүн

Хоршоо үг

• Мөс шиг гөлгөр тунгалаг талст зүйл: мөсөн чихэр - элсэн чихэр, бурмыг усанд уусгаж, жигнэхэд талст хэлбэртэй барилдсан тунгалагдуу цагаан болон шаргал өнгөтэй мөстэй адил чихэр

Зүйр цэцэн үг

мөсөн дээр барьсан гэр, цасан доор булсан юм - а.хөлдөх мөнгө шиг цагаан, мөс шиг гөлгөр - цагаан болоод тэгш гөлгөр, цэвэрхэн зүйл мөнгөн амтай, мөсөн дотортой - сайхан ярьдаг ч хүйтэн сэтгэлтэй хүн мөс хадаалах нэг шөнө биш, нас өртөмших нэг шөнө биш - аливаа зүйл жам ёсны дагуу алгуур болдог

(аливаа зүйл жам ёсны дагуу алгуур болдог).

Зөв бичих зүй

• м.к.б
• м.б