дунд шатны удирдлага

Хадмал үг

[англ. middle management]

Тайлбар

Байгууллагын зохион байгуулалтын бүтцээс шалтгаалан дунд шатны албан тушаалтны цолны нэр, ангилал зэрэглэл нь харилцан адилгүй байдаг. Зарим улсад sergeant буюу манайхаар түрүүч гэдэг цолтой алба хаагчийг хэлдэг ба нийтлэг агуулгаар нь авч үзвэл үйл ажиллагааг гардан явуулж байгаа алба хаагчдыг шууд удирдаж байгаа албан тушаалтныг хэлдэг байна. Энэ утгаар авч үзвэл манай улсын цагдаагийн байгууллагын хувьд салаан дарга, тасаг, хэсгийн дарга нарыг гэж ойлгож болохоор байна. Цагдаа судлалын ухаанд дунд шатны гэх удирдлагын асуудлыг тухайлан авч үзэж байгаа учир нь тэд хамгийн анхан шатанд удирдлагыг хэрэгжүүлэх үүрэг хүлээн ажиллаж байгаа учраас цагдаагийн менежментийн талаар хамгийн гүн гүнзгий ойлголттой болсон байх ёстой алба хаагчид юм.

Дунд шатны удирдах ажилтнуудыг уламжлалт, шинийг сэдэгч, дэмжигч, идэвхитэй гэх зэргээр ангилж үздэг. Эдгээр нь үүрэг гүйцэтгэх үедээ торгууль оногдуулах, хүч хэрэглэх, олон нийттэй харилцах, асуудлыг илрүүлэх, захиргааны ажилд хандах, хувийн амьдралдаа хандах хандлага зэрэг нь өөр өөр байдаг нь гадны улсуудын судалгаа байдаг. Уг нь сэжигтнийг баривчлах ажиллагаа явуулах, зөрчил гаргасан этгээдэд торгууль оногдуулахад хувийн зан чанар, удирдах ажилтны арга барил нөлөө үзүүлэхээргүй байх ёстой тул судалгааны дүнд үндэслэн удирдах ажилтныг судлах, томилох, карьер менежмент, сургах сургалтын бодлогоо боловсруулж хөгжүүлэх зэрэг арга хэмжээг авдаг байна.