долоо(н)

Монголоор

Үгийн дуудлага

[dolloǧŏ]

Үндэсний бичиг

(долулг-а)

Үгийн утга

тоо.

1. Зургаа дээр нэгийг нэмсэн нийлбэр
2. Үл таашаах олон тоо

Холбоо үг

долоо хоног - долоон өдөр, шөнөтэй тэнцүү хоног тооллын нэгж

долоон өвгөн од.орон. - долоон бурхан од

долоон эрдэнэ - бурханы шашны ном сударт гардаг долоон зүйлийн эрдэнэс

Өвөрмөц хэлц

долоон булчирхайг нь тоочих - нэгэн нэгэнгүй илчлэн хэлэх

долоон булчирхайгаа тоочих - хамаг байдгаа хэлэх, юугаа ч нууж хаалгүй ярих

долоо буцах - хэлсэн амласнаасаа эргэлзэн буцах

долоон голтой - амь бөхтэй, зовлон их даадаг

долоон доор - урьдахаас улам муудсан, шал дэмий

долоон жорын юм ярих - есөн шидийн юм ярих, олон үг чалчих

долоон уулын цаагуур - холын холуур, далдын далдуур

долоон ходоодтой - хэтэрхий ховдог

долоон хүзүүт - урт хүзүүтэй хүн

Аман зохиолд орсон нь

Зүйр үг

Долоо дордож

Найм сэхэх

Тайлбар: амьдралд юу ч тохиолдож болно, гагцхүү зорьсон хэр­гийнхээ төлөө шантрахгүйгээр тууштай тэмцэх хэрэгтэй

Долоо шархадсан чоно

Тайлбар: амьдралын хүнд бэрхийг биеэрээ амссан хүнийг зүйрлэх хэллэг

Зөв бичихзүй