гэмт хэргээс урьдчилан сэргийлэх

Wiktionary-с

Хадмал үг[засварлах]

[англ. crime prevention]

Тайлбар[засварлах]

Хэдийгээр ихэнх хүмүүс гэмт хэргээс урьдчилан сэргийлэх гэдэг ойлголтын утгыг сайн мэдэх боловч, хуучны тодорхойлолтууд тухайн ойлголтыг нэг бол “цагдаа нар олон нийтийг хууль зөрчигчдөөс хамгаалах” аль эсхүл “тодорхой нийгмийн бүлэг хувь хүмүүсийг гэмт хэрэг үйлдэхээс сэргийлэх” гэж тайлбарласан байдаг. Бусад хүмүүсийн хувьд тэд тус ойлголтыг гэмт хэргээс урьдчилан сэргийлэхтэй холбоотой үйл ажиллагаанууд болох хорио тавих, гэмт хэргийг таслан зогсоох болон засан хүмүүжүүлэх үйлдлүүдтэй холбож авч үздэг. Энэ нь гэмт хэргээс урьдчилан сэргийлэх үйл явцыг янз бүрийн хэмжээнд авч үздэг юм. Эдгээрийн заримд нь цагдаагийн үйл ажиллагаатай холбоотой шинэ стратегиуд (энэ нь “асуудалд тулгуурласан цагдаагийн үйл ажиллагаа”-ийг хэлж байгаа юм), нөхцөл байдалд тулгуурласан гэмт хэргийн урьдчилан сэргийлэлт, хууль тогтоох бүрэн эрх, насанд хүрээгүй гэмт хэрэгтнийг засан хүмүүжүүлэх хөтөлбөрүүд (энэ нь гэр бүлд суурилсан хөтөлбөрүүд, удирдан хүмүүжүүлэх үйл ажиллагаа болон бусад адил төрлийн ажлыг хэлнэ) болон олон нийт дунд мэдээлэл өгч, сурталчлах ажлууд багтана. Энэ шинжилгээний хүрээнд, гэмт хэргээс урьдчилан сэргийлэх гэдэг ойлголтыг анх гэмт хэрэг гарахаас урьдчилан сэргийлэх бүх хүчин чармайлт гэж ойлгох бөгөөд эсрэгээрээ гэмт хэргийн хяналт гэдэг ойлголтыг нэгэнт гэмт хэрэг үйлдсэн этгээдийн зан байдлыг хянах үйл явц гэж ойлгоно.[1]
  1. Хууль сахиулахын их сургуулийн Эрдэм шинжилгээ, хөгжлийн хүрээлэн, Цагдаагийн шинжлэх ухааны зарим нэр томьёоны гарын авлага, Улаанбаатар 2017