гэмт хэргийн түүх

Хадмал үг

[англ. criminal history information]

Тайлбар

Гэмт хэргийн түүх гэдэг нь “хувь хүний шинж чанар болон тодорхойлолтыг агуулсан, түүний гэмт хэрэгтэй холбогдон баривчлагдаж, дараагаар нь шийтгэгдэж байсан мэдээллийг бүртгэсэн бүртгэл буюу систем юм”. Бүртгэлийн систем нь ерөнхийдөө урд өмнө нь хуулийн хяналтад орж, ноцтой гэмт хэрэгт холбогдон тодорхой хуулийн хариуцлага хүлээж байсан түүхийг бүртгэсэн байдаг. Гэмт хэргийн түүхийг бүртгэсэн бүртгэл нь хувь хүний шинж тэмдэг болон зан чанартай холбоотой төрөл бүрийн мэдээллийг агуулдаг. Хувь хүнийг тодорхойлох зүйлсэд овог нэр, гэрийн хаяг, төрсөн өдөр, нийгмийн даатгалын дугаар, хүйс, арьс өнгө, үсний өнгө, нүд, өндөр, жин, сорив, шивээс болон бусад онцгой тэмдэг багтдаг. Зарим нөхцөл байдалд бусад хувийн мэдээллийг бүртгэсэн байдаг. Үүнд: ажлын хаяг болон автомашины дугаар багтана. Мөн сүүлийн үед гэмт хэрэгтнүүдийн биометрикийн[ Англиар - Biometric] мэдээлэл, тухайлбал, хурууны хээг мэдээллийн санд оруулах асуудлыг нилээд чухалчлан авч үзэх болсон.