гурав /гурван/

Монголоор

Үгийн гарал

Чоно гурав [ǧuraw] (гурба)

Үгийн утга

гурав (гурван) I тоо. Хоёр дээр нэгийг нэмсэн тооны нэр
гурав II гурав дахь хүч у.т. (төрийн эрх барьж байгаа болон парламентад цөөнх болж байгаа хүчнээс ангид тусдаа бие даан үйл ажиллагаа явуулах бүлэглэл)

Холбоо үг

• гурван гэрэл ёгт. (нар, сар, од)
• гурван ертөнц шашин. (тэнгэр, газар, тамын орон)
• гурван марал зурхай. (сарны зурхайн хорин найман одны дотоод Маргасар од)
• гурван ес зурхай. (дүн өвлийн хүйтэн)
• гурван муу заяа шашин. (там, бирд, адгуусан)
• гурван орон шашин. (дээд, дунд, доод тив)
• гурван сайн заяа шашин. (тэнгэр, хүн, асуурь)
• гурван сөгдөл шашин. (хишигт мөргөхөд гурван үе сөгдөж, гурван үе босох)
• гурван үүд шашин. (бие, хэл, сэтгэл)
• гурван хар шашин. (тачаангуй, урин, мунхаг)
• гурван цэг хэл зүй. (дараалсан гурван цэг тэмдэг /.../)
• ертөнцийн гурав аман зох. (монгол ардын аман зохиолын нэг төрөл)
• идэр гурван ес зурхай. (дүн өвлийн гурван сар)
• эрийн гурван наадам (морь уралдах, бөх барилдах, сур харвах)

Хоршоо үг

• гурван амттан (бал, бурам, чихэр)
• гурван гэм (хий, шар, бадгана)
• гурван найруулга (дээд эрхэмсэг, тансаг, ердийн буюу дунд, доод буюу доромж, хар яриа)
• гурван самшуу (зүрх ходоод хоёрын хоорондохыг дээд самшуу, ходоодны дундахыг дундад самшуу, хүйс давсгийн хоорондохыг доод самшуу)
• гурван сургууль (бичиг, бурхан, бумба)
• гурван цаг (өнгөрсөн, одоо, ирээдүй)
• гурван навчит өвс урга. (уулын хажуу ой модон дотор ялзмаг ихтэй сүүдэрлэг чийгтэй хөрсөнд ургадаг олон наст өвс)

Хэвшмэл хэлц

• Гол горхи гэсвэл хавар болохын тэмдэг
  Гурван нохой шингэвэл гэгээ орохын тэмдэг
• Гуйранч хүртэл
  Гурав хоногийн шинэтэй
• Гуйранчийн сав
  Гурван цоорхойтой
• Гунжин үнээ тугалтлаа
  Гурван цаг ордог
• Гур алсан газартаа
  Гурав эргэнэ
• Гур тоншсон шаазгай
  Гурав дахин эргэлдэнэ
• Гурав хоноод голын занд орох
  Арав хоноод айлын занд орох
• Гурав хоноод эхнэрээ бүү магт
  Гурван жил болоод магт
• Гурван гэрийг хэсэхээр
  Нэг гэрт суусан нь дээр
• Гурван ес дуусахад
  Гунжин үнээ тураалдаа хүрдэг
• Гурван есийн хүйтэнд
  Гунын эвэр хуга хөлдөнө
• Гурван жил будаа гуйвал
  Ноён суух дургүй болдог
• Гурван настай балчир ч гэхгүй
  Гучин настай идэр ч гэхгүй
• Гурван өдөр зодогдохгүй хүүхэд
  Гэрээ тойроод уйлна
• Гурван өдөр чавхдахгүй бол
  Гарын хуруу соёо болно
• Гурван үгний утга (томьёо) мэдэхгүй байж
  Гурвалжин нөхөөсөнд зүйдэл (заах) оруулах гэх
• Гурван үе албатгүй тайжийг дайр
  Гурван гүүгүй азаргыг хайр
• Гурван үе суувал баяжна
  Гурван удаа нүүвэл хоосорно
• Гурван хүн сэтгэл нийлбэл
  Шар шороог алт болгоно
• Гурван хундага уувал голын үг гарна
  Гурван зуун адуу туувал говийн туулай босно
• Гурван хүний зүрх нийлвэл шар алт болох
  Гучин хүний зүрх нийлвэл хөх үнс болох
• Гурван хэм архи уувал голын хийг босгоно
  Гурван зуун хонь туувал голын туулайг үргээнэ
• Гурван цаарга
  Гурван наарга
• Гурван эрдэнэ дээш татах
  Гурван гөлөг доош татах
• Гурилаар хийсэн балин биш
  Гурван настай балчир биш
• Гурмасан дээс тайлахад бэрх
  Гурван хүүг дийлэхэд бэр
• Гутал муут
  Гуравын хойно
• Гутсан хүн
  Гурван жил хүлээх
• Гуч хүрвэл
  Гурав хувирна

Өвөрмөц хэлц

• Гурван: гурван голын ус уух: олон газраар явах: Гурван голын ус ууж, юм үзэж нүд тайлсан овоо хүү байна лээ шүү.
• гур алсан газартаа гурав дахин эргэх: Нэг удаа ашиг олсон газартаа үргэлжид хүсэл горьдлого тавих гэсэн санаа: Одоо юу горьдож юу хийж дахин ирсэн юм бол. Гур алсан газартаа гурав дахин эргэнэгэдэг шиг юм болж байх шив.
• гурван үгний солио мэдэхгүй, гурвалжин нөхөөсний зүйдэл мэ­дэхгүй: Аливаа юмны ёс учир мэдэхгүй тэнэг гэсэн санаа: Ноёных гурван үгний солио мэдэхгүй, гурвалжин нөхөөсний зүйдэл мэдэхгүй ганц тэнэг хүүтэй юм сан гэнэ.
• гурвын дунд гурил цацах: хооронд нь хэрүүл үүсгэх: Гурвын дунд гурил цацаад, эгч дүү нарыг хоо­ронд муудалцуулж яах нь вэ чи.
• амташсан хэрээ арван гурав эр­гэх
• нохой гурав харагдтал уух
• эх орны алтан гурав
• гурвын дунд гурил цацах

Зөв бичих зүй

• гурав (гурван), гурвын, гуравны, гуравт, гуравтай, гуравтууд, гурванд, гурваас, гуравнаас, гурваар, гуравнаар, гурванаар
• /~аад/
• /~н/
• /~д/
• /~дагч/
• /~дахь/
• /~дугаар/
• /~т/
• /~тай/
• /~уул/
• /~таа/
• /~хан/

Ертөнцийн гурав

• гурван цагаан
  өсөхөд шүд цагаан
  өтлөхөд үс цагаан
  үхэхэд яс цагаан
• гурван хоосон
  барин тавин боловч зүүд хоосон
  барайж торойж байвч зэрэглээ хоосон
  бархирч чарлаж байвч цууриа хоосон

Монгол бичиг

GorbEt

GorbEa