бөөс

Монголоор

Үгийн дуудлага

[bц:s]

Үндэсний бичиг

ᠪᠤ᠊ᠢ᠊ᠭᠡ‍ᠰ‍ᠣ

(бөгэсү)

Галиглах зарчим

Үгийн утга

#амьт.

1. Хүн, амьтны цусыг сорж амьдрах далавчгүй жижиг шавж
2. шилж. Даавууны утас бөөмнөрсөн нь.

Нийлмэл үг

бөөсний өвчин - бөөсөөр дамжин халдварлах өвчин

нохой бөөс амьт. - цус сорж амьдардаг, дэвхэрч үсчдэг жижигхэн шимэгч шавж

бөөсөн төдий - өчүүхэн

Зөв бичихзүй

Үг хувилгах зарчим

Кирил бичгийн зөв бичихзүй

бөөс нэр. бөөсийг, бөөсний, бөөсөнд, бөөснөөс

Үндэсний бичгийн зөв бичихзүй

ᠪᠤ᠊ᠢ᠊ᠭᠡ‍ᠰ‍ᠣ᠊᠊ᠨ ᠊ᠣ
ᠪᠤ᠊ᠢ᠊ᠭᠡ‍ᠰ‍ᠣ᠊᠊ᠨ ᠳ᠋ᠣ
ᠪᠤ᠊ᠢ᠊ᠭᠡ‍ᠰ‍ᠣ ᠊ᠢ᠊᠊ᠢ
ᠪᠤ᠊ᠢ᠊ᠭᠡ‍ᠰ‍ᠣ᠊᠊ᠨ ᠡᠴ᠊‍᠊ᠨ
ᠪᠤ᠊ᠢ᠊ᠭᠡ‍ᠰ‍ᠣ ᠪᠡ᠊ᠷ
ᠪᠤ᠊ᠢ᠊ᠭᠡ‍ᠰ‍ᠣ ᠲ᠋‍ᠠ‍᠊ᠢ
ᠪᠤ᠊ᠢ᠊ᠭᠡ‍ᠰ‍ᠣ ᠡᠣ᠊᠊ᠷᠣ᠊ᡍᠣ
ᠪᠤ᠊ᠢ᠊ᠭᠡ‍ᠰ‍ᠣ ᠪᠡ᠊‍᠊ᠨ
ᠪᠤ᠊ᠢ᠊ᠭᠡ‍ᠰ‍ᠣ ᠨᠣ᠊ᠬᠥᠣ᠊᠊ᠨ

/~ний /~д /~ийг /~өөс /~өөр /~тэй /~рүү /~өө /~үүд

Хоршоо үг

• бөөс хуурс - хүн, амьтныг шимэгчлэн амьдрах шавж, түүний өндөг

Этгээд үг

СӨӨБ н. аө.а.бөөс (авиа тонгоргосон)

• Шоронд байхад сөөб болох нь энүүхэнд шүү.
• Сүүлийн үед сөөбтэй хоригдол олон болж байх шиг байна.

СӨӨБТӨХ тбү. аө.а.бөөстөх

• Шоронд байхад халуун усанд оруулаагүйгээс сөөбтөхюу ч биш.
• Чи энэ хэцүү газар сөөбтөв, усанд аль болох орохыг хичээж байх хэрэгтэй.

Хэлц үг

Өвөрмөц хэлц

бөөсийг нь түүх - мууг нь ялгах

бөөсөнд хутга барих - жижиг өчүүхэн юманд сүр болох, сүржигнэх~Ганц үхэр төхөөрөхийн төлөө бөөн ажил болоод хүн, амьтан дуудаж цуглуулаад сүр бадраачихсан байх юм. Бөөсөнд хутга барина гэдэг шүү юм болох нээ.

↑ батганад сэлэм хугалж бөөсөнд хутга гаргах

↑ түрийний бөөс малгайд гарах

Хэвшмэл хэлц

Бөө лам хоёр төрөл нь нэг

Бөөс хуурс хоёр удам нэг

Бөөс арвидвал хазахыг мэдэхгүй

Өр арвидвал өгөхийг мэдэхгүй

Өр арвин бол өгөхийг мэдэхгүй

Бөөс арвин бол хазахыг мэдэхгүй

Өр ихт айхгүй

Бөөс ихт загатнахгүй

Аман зохиолд орсон нь

Зүйр үг

Бөөсөнд хутга

Бөлдгөнд жад

Тайлбар: а.өчүүхэн юманд дэндүү сүр бадруулах; б.тэнцвэргүй, хэлтийдсэн юм

Цэцэн үг

Бөөсөн чинээ юмыг олж үзээд

Тэмээн чинээ юмыг олж үзэхгүй

Тайлбар: а.өчүүхэн гэм, эндлийг сүр болгон хөөцөлдөх мөртөө хүрээ цараа ихтэй зүйлийг анхаарах чадваргүй; б.хол хэтийн бодолгүй