ЯЛ ХӨНГӨРҮҮЛЭХ НӨХЦӨЛ БАЙДАЛ

Монголоор

Хадмал үг

[англ. mitigating circumstances]

[ор. обстоятельства, смягчающие наказание]

Тайлбар

хууль.

МУ-ын эрүүгийн эрх зүйгээр шүүх МУ-ын Эрүүгийн хуулийн тусгай ангийн зүйлийн санкцийн хэмжээ хязгаарын дотор нэлээд хөнгөн ял ногдуулах үүрэг болгосон гэмт хэрэг ба гэм буруутай этгээдийн хувийн байдлыг тодорхойлдог нөхцөл байдал. МУ-ын ЭХ-ийн 55 дугаар зүйлд ял хөнгөрүүлэх нөхцөл байдлын жагсаалтыг тогтоожээ: тохиолдлын шинжтэй нөхцөл байдлын улмаас анх удаа хөнгөн, хүндэвтэр гэмт хэрэг үйлдсэн; гэмт хэргийн улмаас учрах хор уршгийг зайлуулсан; гэм буруутай этгээд насанд хүрээгүй; жирэмсэн; гэм буруутай этгээд бага насны хүүхэдтэй; өөрт нь болон гэр бүлийн гишүүнд нь тохиолдсон хүнд нөхцөл байдлын улмаас гэмт хэрэг үйлдсэн ба бусад хэд хэдэн нөхцөл байдал. Шүүх ял ногдуулахдаа эрүүгийн хуульд заагаагүй нөхцөл байдлыг хөнгөрүүлэх хэмээн үзэж болно. Хэрэв хөнгөрүүлэх нөхцөл байдлыг эрүүгийн хуулийн тусгай ангийн тодорхой зүйл, хэсэгт гэмт хэргийн бүрэлдүүний шинж болгон заасан байвал ял ногдуулахдаа давхардуулан харгалзан үзэж болохгүй.

Creative Commons