Хэрэглэгч:Доржнайдан

Найруулагчийн сургалтын эхний жилийн зорьлого нь К.С.Станиславский, Вл Немировича-Данченко нарын сургаалийн үндсэн дээр жүжигчний дотоод техникийн үндэс суурь, элементүүдийн цогц чадварыг бодитоор эзэмшиж найруулгын үндсийг суралцах явдал юм. Эхний жилийн гол даалгавар бол оюутан бүрийн хувь хүний шинж чанарыг бүх талаар бүрэн тодорхойлох явдал юм: ёс суртахуун, уранбүтээлч хандлага, өөрийн өвөрмөц онцлого зэргийг нь хөгжүүлж цааш хэрхэн өөрийгөө олход нь бүхийл талаар туслах хэрэгтэй. Хувь хүний шинж чанарыг тодруулахтай зэрэгцэн хамт олноор нь гоо зүйн ёс суртахууны нэгэн хэвийн хэм хэмжээг суулгах шаардлага гардаг. Уран бүтээлч хүнийг нэгэн хэвийн биш биенээсээ ялгарах өвөрмөц онцлогийг нь хөгжүүлэх маш чухал байдаг. Оюутны өөрийнх нь мөн чанарыг чөлөөтэй илэрхийлэх сургалтын үйл явцыг зохион байгуулах шаардлагатай байдаг. Энэ нь харилцан хүндэтгэл, үнэн сэтгэл, хатуу шаардлага, хичээнгүй мэрийлт, ойлголцолын уур амьсгал бүрдсэн нөхцөлд л биелэх боломжтой.