ард

Wiktionary-с
Шууд очих: залуурдлага, хайлт

Flag of Mongolia.svg Монголоор


Үгийн утга

ард I нэр.
       1.Иргэн, хувь хүн
       2.Олон түмэн, ард түмэн
ард II дай. Ар талд, цаад талд, хойд талд

Шилжсэн утга

  • эхэлсэн ажил үйлсийг амжилттай дуусгах

Холбоо үг

  • харц ард (угсаа сурвалжгүй ядуу олон)
  • зарц ард (бусдад зарагддаг хүн)
  • малчин ард (мал малладаг хүн)
  • ард хүн (иргэн)
  • энгийн ард (язгуур угсаа, хэргэм зэрэггүй жирийн хүн)
  • ардын аман зохиол (аман зохиолын ерөнхий нэр)
  • ардын билиг зүй (олон түмний авьяас чадварыг илтгэсэн ардын урлаг)
  • ардын бүжиг (ард түмний дунд өнө эртнээс уламжлагдан ирсэн хөдөлгөөний урлаг)
  • ардын засаглал (Монгол улсын төрийн байгууламжийн нэг хэлбэр)
  • ардын эмнэлэг (эмийн ургамал, бариа засал голлон эмчилгээндээ хэрэглэдэг дорнын уламжлалт анагаах ухааны салбар)
  • ард нуугдах (ар талд нуугдах)
  • ард орох (хойно орох)
  • ард нь гарах (юмны ар талд гарах)
  • хүний ард орох (а.хүний ард нуугдах; б.хүмүүсээс хоцрох)

Хоршоо үг

  • ард албат/албат ард (харьяат иргэд)
  • ард иргэд (олон иргэд)
  • ард олон (түмэн олон)
  • ард түмэн (ард олон, улсын иргэд)

Эсрэг үг

Этгээд үг хэллэг

Зүйр цэцэн үг

Хэвшмэл хэлц

Ард гарч адуу туусангүй
Харьд очиж хавирга шаасангүй

Ард нь гарч алга тосох
Урд нь гарч уруул унжийлгах

Ард олон наашаа
Амин гол (хувь) цаашаа

Ард түмэнд мөхөл байдаггүй
Ажил тэмцэлд хязгаар байдаггүй
Аз жаргалд төгсгөл байдаггүй
Аж амьдралд дуусгал байдаггүй

Ард хүн араатан болох
Айлчин хүн цэцэн болох

Ард хүчтэй
Ажил бүтэмжтэй

Ард цас орвол арилахад бэрх
Алтан гадас муруйвал залахад бэрх

Ардын төлөө алалдах
Олны төлөө оролдох

Өвөрмөц хэлц

Ард: ард [нь] гарах: эхэлсэн ажил үйлсийг амжилттай дуусгах: Эхэл­сэн ажлынхаа ард гарна гэдэг нэг баяр баясгалан.ардаа гарах:буянаа гөвөх:Амны хишиг нь ардаа гарах.ардаа хаях: хамт гүйж яваа хүн амьтан бусдаасаа урьдах, түрүүлэх:Гуу жалга, даваа гүвээнүүдийг ардаа хаясаар л байжээ. Биеийн тэнхэл барагдахын хэрээр бодон сэтгэх тагжирч зөвхөн газар унахгүйг л хичээнэ(Д.Намдаг, Цаг төрийн үймээн).ардаа шархтай:зориггүй:Сайн эр урдаа шархтай, муу эр ардаа шархтай.ардаа яртай:муу үр дагавартай:Муу хүн ардаа яртай.ард урд нь бөнжигнөх:долигонох, бялдуучлах:Даргынхаа ард урд нь бөнжигнөж байж, Төмөрхүү ээл­жийн амралтаа урьдчилан авахаар болжээ. ↑хүний ард орох

Зөв бичих зүй

  • ард I. нэр (харц олон) ~түмэн хорш.,ардын, ардад, арддаа, ардаас,о.тоо ардууд II.орон цаг(хойгуур) модны ~нуугдах
  • ард (~иргэд, ~түмэн)

Ертөнцийн гурав

Монгол бичиг

Fereoa


Хуучирсан үг

  • Харц олон: ард аймаг (угсаатан,овогтон, ястан)